எனக்கு போதை சுள்ளென்று உச்சந்தலை வரை ஏறியிருந்தது. வாங்கி வந்திருந்த நான்கு ஃபுல் பாட்டில் விஸ்கியில், ஒரு பாட்டிலில் மட்டும் கால்வாசி மீதம் இருந்தது. மிச்சத்தை எல்லாம் நாங்கள் ஆறு பேரும் குடித்து தீர்த்திருந்தோம். தட்டில் இருந்த கடைசி ரெண்டு சிப்சையையும் வாயில் அள்ளிப்போட்டுக்கொண்டு, நான் மணிக்கட்டை திருப்பி மணி பார்த்தேன். இரவு ஏழு மணி. எழுந்துகொண்டேன்.
"சரிடா மச்சான்.. நான் கெளம்புறேன்..!!" என்றேன்.
"எங்கடா அதுக்குள்ளே கெளம்பிட்ட..?"
"வீட்டுக்கு போகனுண்டா.. அப்பா வேற ஊர்ல இல்லை.. அம்மா தனியா இருப்பா.. நான் கெளம்புறேன்.."
